المساعد الشخصي الرقمي إضغط هنا لمشاهدة المواضيع حسب التسلسل من الأحدث الى الأقدم

مشاهدة النسخة كاملة : ●«[ ســــــــمائي ● دمـــــــوع ]’’’ «●


نورة العراقية
2008-08-20, 11:57 PM
http://www.al-wed.com/pic-vb/817.gif

أجل أيها المتوسط قلبي

تنهد حزن المساء

سمائي دموع

سماؤك ماء

كلانا بامواهه ضامىء

والمدى حرقة واغتراب...

أنبحر يا بحر صوب العراق...

أتدري أيها البحر

كيف ينام العراق؟

جائعا موجعا نازفا وحزين

ضامئا حاسرا وأسير

كيونس في حوت هذا الزمان

كيوسف في بئر من انكروه

أخا أو خليل...

ولكنها النار صارت اليفته

كلما ازداد فيها اللهيب

يقول لها:ازددت بردا

فكوني سلاما...
http://www.al-wed.com/pic-vb/817.gif

مصطفى كامل
2009-07-28, 07:18 PM
بسم الله الرحمن الرحيم .... اشكر الاخت العزيزة نورة العراقية على هذه القصيدة الجميلة واترجم لها شكري بقصيدة لعريان السيد خلف كهدية لما قدمته لنا الاخت نورة .....
ادك روحي .. نذر للجايب ابشاره
واورجه اعله الجروح ، المالهن
جاره
جرح ينزف .. جرح باني .. اعله
بسماره
- خجل .. والمايخاف اللوم.. يرضه
ابذلته وعاره
يالمبشر .. مته المكَصوص جنحه
ايطولن اكَصاره ؟
ومتى الوكت التراده ، ايبدل
اطواره
ومتى العايش غريب ، ايأمن
ابداره ... ؟
يالمبشر .. ممحله الروح ..
غيمك .. عزّت امطاره
اوجثيره المايهزها الضيم ..
جن اكَلوبها حجارة
ولو لذة عشيج الموت .. كَلبه ..
ايموت بسراره
لجن ، شانت على المذبوح .. دمه ..
ايضيع فجّاره
دَفك عينك ، زمانك ليل ..
ليل .. ايريدله انطاره
ولا كلشي الجليته ايطيح زنجاره
ولا كلمن يموت ايضيع تذكاره
هلبت .. مات
(جيــــفاره .. ؟)
اوهلبت .. (هوشي منه )
انكَطعت اخباره ..؟
عمت عين الوجاغ الماتشب ناره
ولو دنياك غداره
ولو .. جرحك .. جرف تعبان ..
تغفه الآخ باكتاره
لجن .. بيه العتب شاره
امن اشوفن : دانك السفان ..
صار الروج .. حدّاره
يهلتشبر ، خيال الليل .. وترد
كَاصره اشباره
اعله هونك .. بيه الك حسبات
كلها اغيوم مطاره
ابدمع ، يا دمعة المهظوم .. ما
ما تعتاز .. تسياره
يناري .. المالجم عاره
اعله هونك .. من يهاب
السيل .. لو ينخاض
تياره
اعله هونك .. من تربّه اهلال
.. غطت غيمته انواره
دَذر ، جرح الصبر بارود ..
خل يتباهن اكتاره
يبارغ .. من تضيف الموت ..
يخشى الموت .. خطاره
آنه الجرحك .. عشت مجروح ..
وانته .. ابعشر معشاره
الم بيه الوجع نيشان ثاير ..
ما يرد ثاره
واهزك هزة المطعون ، من تتلايم
اكتاره
اعله وكتك والوكت مشوار ..
غمّه الباع مشواره
واداري العيب تتداره
اداري العين .. وانته العين
.. والدم .. اورفيف
الدم
اداري الآه .. انته الآه ..
وانخه الروح .. لا تهتم
اداري الحيف .. كل الحيف ..
ظل بيك الحلم .. يحلم
اداري اوكَضت روحي انذور ..
لاوِد لا شمل يلتم
يهاوي الروح غم الروح كون
ابشان ما تحلم
يباجي العين .. ذل العين
بالدمعات تتوشم
هظم والشال هظم الناس لوجّه
الموت ما يندم
لَوَن .. شحت دموع الغيض ..
خل دمع العتب .. يلتم
ندامه ، اعله الشرف .. ينداس
والداس الشرف .. يسلم !؟
ندامه ، اوعزّة المندوم .. وكت
الثار .. يتحزم
فشك .. والمافهم معناك ..
بزمور التفك .. يفهم
او جرعنه .. اشجم شكل
علكَم .... ؟!
وِنِت طيف المحبه .. اوشوك
الولايه
انت .. زخات غيمه .. ابكَاع
صبخايه
يشاتل بالكَلب دايات .. دايه
اتلوب .. من \دايه
يبو الشط التعيش اوياك ..
قصته .. طينته .. اومايه
اشتكَل لمشذبات الروس ..
لوجن ليك .. شجايه ..
اشتكَل للطاح .. بين ارماح .. كلها
اوياه كَصايه .. ؟
اشتكَلي ؟ .. اوبيك روحي اتموت
وترد .. بيك تتحايه
ابرجاها ولو كسرها ايجيد .. تصرخ
وين جباره .. ؟
اوثكَلها .. اوعادة المضهود .. بالمعبار
.. يتباره
ولو .. جرحك جرف تعبان ..
تغفه الآخ .. باكتاره
لجن .. شانت على المذبوح .. دمه
يضيع فجاره

اسد بغداد جريح في ضلم
2009-07-28, 10:45 PM
عاشت ايدج اخت نوره على الموضوع الجميل

والقصيدة الجيده

تقبلي مروري/////اسد بغداد