المساعد الشخصي الرقمي إضغط هنا لمشاهدة المواضيع حسب التسلسل من الأحدث الى الأقدم

مشاهدة النسخة كاملة : أغنية حزينة اصبر يا صبر


فخر بغداد
2011-04-09, 11:41 PM
YouTube - ‫ط£ط؛ط§ظ†ظٹ طط²ظٹظ†ط©. ظ…ظ‡ظ€ظ€ط¯ظٹ ط§ظ„ط¹ط±ط§ظ‚ظٹ ط£طµظ€ظŒظ€ظ€ظژظ€ظڈط¨ط± ظٹظ€ظ€ط§ طµظ€ظ€ط¨ط±‬‎ (http://www.youtube.com/watch?v=ifDgBc3vBjQ)

Mr Firewall
2011-04-10, 02:50 AM
واخييييييرا حصلت كيبورد عربي


كل ما افوت على المنتدى بس القى حزن واشتياق وانلاصت من الغربه

سهلوووها يمعودين

فخر بغداد
2011-04-11, 01:35 AM
ههههههههههههههههههههه
نورت خيووووووووووو
شنسوي ماكو شي بيه خير وسعادة بالغربة
اذا عندك موضوع مبهج شوية نزله اكون ممنونة الك
نورت خيو
ودي

Mr Firewall
2011-04-11, 03:39 AM
انتظر مشرفة المنتدى تبادر اول شي - وبعدين نحذو حذوها ( تعبت بيها مال الحذوها مشون طلعت )

فخر بغداد
2011-04-11, 06:41 PM
هههههههههههههههههه
والله حلوو
بس بنظري الغربة مو حلووة..
انت اقنعني انه حلوة ونزل موضوع حلووووووووو
مشكووووووووووور ونورت *_^


ودي

Mr Firewall
2011-04-12, 09:51 PM
ماشي احاول اوضح نظرة وجهي او وجهة نظري - وحده منهم ممتأكد

الغربة تعلمنه الأعتماد على النفس ، أخذ ايجابيات المجتمعات العايشين بيها - على سبيل المثال

العراقيين عدهم فد طبع عجيب يتلخص بالاتي : كل انسان كاذب حتى يثبت انه صادق( المتهم مذنب حتى تثبت براءته ) --- بينما في الشعوب الاوربية : الانسان صادق حتى يثبت انه كاذب ( المتهم بريء حتى تثبت ادانته )

هايه الصفه لو تتغير ونشوف كيف الغرب يتصرف بهايه النقطه - اتصور رح تتغير كثير مفاهيم عدنه

العراقي من التقي بي لاول مره : اي شي جيد احجي عن نفسي ، اصير كاذب و مبالغ بالكلام و دا افيك وشايف نفسي وووووووو الخ من الصفات البذيئة --- بس اذا احجي ويه اي صديق انكليزي لاول مره ، عكس هذا تماماً

الغربة الي خلتنه نبتعد عن ارض العراق وشعب العراق هي حاله صارت غصباً علينه - اذا منتقبلها ونعيش وياها كــ حال وليس كــ مشكله ، فالنتيجه هي رح نعيش في عزلة عن الجتمع وكأبة وامراض نفسية وعدم الثقه بالنفس - وهذا رح يحرمنه كطاقات شبابية ان نصير مبدعين وناجحين بحياتنه العملية --- ورح نضيع فرصه على وطنه ان يصير فخور بينه ونرفع راسه كدام بقية الشعوب ------- بدل ما اكمل ماجستير ودكتوراه وبوست دوك واصير مدير مشاريع او طبيب ناجح او مهندس لامع او مبرمج كفوء ----- هايه احسن لو اكضيها بكهاوي شارع اجور رود بلندن ولازم الركن وافرفر وره البنات وكل همي شوكت استلم البنفت من الكومون لو الحكومه ؟؟ هل اصير انسان فاشل لأن الغربة صعبة وومنتدياتنه الخاصه بالمغتربين العراقيين بالمهجر تغذي شعور العزله والالم والحزن وعدم الصبر وبس رجعوني لبغداد رحمه على والديكم تره رح اطك من الغربه ؟؟ اكيد حتى اللي ميعرف يتعامل ويه الغربه لح تترسخ اباله انو الغربة يعني عباره عن مرض نفسي تكضيها حزن وجكاير وكأبة ؟؟

احلى شي بالدول الغربية يوفرونه للمهاجرين اول وصولهم للبلد هو برنامج اسمه :

Integration
( بالنكليزي : انتكريشن ، بالسويدي : انتكرخون ، بالدنماركي : انتكرتسيون )

هذا فكرته انو يوفرون جو وبيئة للمهاجرين وبرامج (( دمج اجتماعي )) مع المجتمع --- علمود يخففون عنهم اعباء الهجرة ----- وليس يزيدون الطين بله عليهم


اتمنى - وهذا مجرد مقترح لقسم العراقيين في المهجر - ان يسوون اعادة نظر في سياسه استيعاب المهاجرين العراقيين وكيف يكون هذا القسم للـ انتكريشن ودعم ومساعدة المهاجرين معنوياً للابداع والاستفادة من حضارات الشعوب اللي متغربين وياهم - ولا يكون مصدرا لاضافه اكثر حزن وقهر ومعاناة ---- ليكون هذا القسم لتضميد الجراح النفسية للمغتربين ومواساتهم للتعرف على ايجابيات المجتمعات اللي يعيشون بيها وكيف نرفع راس العراق اينما كنا بدل ان نحترف مهنة الحلاقة كأحسن وظيفة والانحراف والطرق المعوجة لاننا تعلمنا من منتديات الغربة العراقية انك انسان محطم نفسيا وبائس واحسلك تنتحر وتخلص !؟



ارجو تقبل كلامي بسعة صدر لأن القصد منه هو الفائدة - وليس النقد العقيم


ارقى تحية

فخر بغداد
2011-04-13, 01:58 AM
لا حلو كلامك عاشت ايدك :flex:
اي صح اكو هيج برنامج يمنه هم
على الجاليات بين فترة وفترة نجتمع...
:1 (17): الشي المحلوو بلغربة
انه ميهتمون بيك أنت عندك فلوس تعيش
يحترمون فلوسك انت..بيني وبينك الانسان عدهم بالفلوس
هاي بحالة اذا انت راضي تبقى على جنسيتك عراقي
اما اذا صرت متجنس مثلهم يحوطك على العين والراس لأان انت
صرت فرد منهم..
ومن قال لازم الحياة تنتهي؟؟
لا ماكو هيجي حجي العراقيين بانحاء العالم ديحصلون على
اعلى الشهادات ومستمرين بالدراسة واني وحدة منهم
اكدر ارجع اليوم مو الباجر للعراق
لكن الدراسة بغربتي شفتها افضل فدا اتحمل...
هي صح معادلة صعبة
يعني انت متكدر ترض بطرف واحد..
برأيي الحنين إلى الوطن واجب
احسن منكون ناكرين وطنه..بكم دولة
اتشوفه عراقي وهو ذرة خلق عراقي ما عنده
على الاقل هذا القسم ينمي روح الوطنية عند المغتربين
وميندمجون بصورة مو طبيعية اتكوم متفرق بين
الاجنبي والعراقي؟
نورت خيوو..
واني هذا رأيي

ودي

Mr Firewall
2011-04-13, 08:44 AM
اوكي عاشت ايدج وبالتوفيق بالدراسه يا رب

وتمنياتي للمنتدى النجاح وأن يحقق الشعور الوطني للجميع

فخر بغداد
2011-04-14, 01:55 AM
اشكر مرورك وحضورك الراائع
يا رب الموفقية للجميع
نورت